AVES MARIÑAS ATOPADAS MORTAS OU FERIDAS NA COSTA DO BAIXO MIÑO - Asociación Naturalista "Baixo Miño" (ANABAM)

      Tódolos anos, na costa do Baixo Miño, aparecen ducias de aves mariñas mortas ou feridas. Son diversas as causas, pero de entre elas, os residuos de petróleo son a principal fonte que afectan ás aves mariñas. Tamén aparecen moitas con anzós nos seus peteiros, ou con fíos de nailon no seu corpo.  Dende os inicios ANABAM vén recollendo aves feridas e tomando nota destes feitos.

    Ti tamén podes colaborar nesta actividade percorrendo a costa baixomiñota e notificándonos se ves algunha ave petroleada, ferida, etc. Podes enviarnos comunicación, se é posible tamén algunha fotografía, das túas observacións e enchendo a ficha do lado.

MOI IMPORTANTE: Se colles algún ave ferida extrema a PRECAUCIÓN da túa cara e ollos!!! O seu peteiro ten suficiente forza para facerte un dano serio.