SETEMBRO-OUTUBRO-NOVEMBRO - Asociación Naturalista "Baixo Miño" (ANABAM)

   A zona onde se levou a cabo o censo corresponde á área delimitada pola liña negra.

  Día espléndido para a época na que estamos.

   Mareas vivas, polo que pola tarde a enchenta era máxima, razón pola cal apenas había zonas disponíbeis para as aves: praia e rochedos cubertos polas augas.

    Destacamos como novidade a presenza do mergullón cristado, un ave que se deixa ver escasamente polo esteiro.

    Como incidencias destacar a presenza de bastantes pescadores tanto na Insua como nos rochedos do Puntal.

  Tal e como observamos, tanto o número de especies como de exemplares vai en aumento, mais, o mesmo que diciamos no anterior, as cifras están moi lonxe de décadas atrás. Destaquemos, nesta ocasión, a observación do pato rubio. Outro aspecto que hai que destacar é o cambio de lugar de máxima querencia. Hai anos o groso de individuos situábase fronte aos observatorios ornitolóxicos, entre a marisma de Salcidos e a Illa Canosa, agora parece que o Codesal-Armona vén sendo o lugar preferido.

NOTA: * Datos facilitados por Manu Sobrino Senra.