ACTIVIDADES PREVISTAS OU REALIZADAS - Asociación Naturalista "Baixo Miño" (ANABAM)

Queres participar nunha nova actividade?

Cantas PEGADAS, RASTROS E/OU SINAIS dos animais silvestres eres capaz de atopar no entorno baixomiñoto?

Nos teus desprazamentos polo monte, praia, sendeiros..., seguramente verás unha boa morea de signos que te permiten saber que por alí hai vida silvestre. Con esta actividade pretendemos, tamén, motivarte para que prestes atención ao entorno polo que vas e que saibas, que polo xeral... non estás só.

    a/ Unha cenital, é dicir, dende arriba, perpendicularmente.

    b/ Outra lateral.

    (Logo podes tiar esas mesmas fotografías sen a referencia).

2/ Tratar de identificar a quen pertence o rastro, a pegada ou o sinal que fotografiaches (se non eres quen de identificar, trataremos de facelo nós e senón, enviaremos a fotografía a algún grupo que poida identificala si é posible).

3/ Poñer a localización o máis exacta posible (Google maps, coordenadas).

Úneste ao reto?

    Para este outono temos unha actividade de campo a desenvolver dende outubro a mediados de decembro que demos en chamar: DE COGOMELOS POLO BAIXO MIÑO.

A  ACTIVIDADE:

    Trátase de que cada membro de ANABAM fotografíe as setas que atope nos seus percorridos campestres pola nosa bisbarra, tirando dúas ou tres fotos, en diferentes vistas, de cada cogomelo. O seguinte paso é que as identifique se é posible. Finalmente que tome as coordenadas do SIXPAC (mellor coordenadas UTM) e faga un corte e pega do mesmo SIXPAC ou de google maps.

       Para os que teñan gañas de profundizar no tema, tamén poden facer unha breve descrición das características, tanto do fungo como do entorno no que se observou.

           Expoñemos a continuación algún exemplo, aínda que cada quen pode facer como o desexe.

      Ten que ser deste ano 2020.

       Calquera dúbida ou aclaración, dirixirse a ANABAM, admítense suxerencias para mellorar este traballo. Unha vez rematado, publicaremos os datos tanto nesta web como na revista CARRIZAL.