A floración das hedras (ireiras en "guardés"), no mes de outubro, fae que centos de insectos, sobre todo dípteros e, en menor medida, himenópteros, acudan a elas para alimentarse. Dado que varias avespas asiáticas acudían a un determinado muro onde había hedras, decidimos achegarnos ao mesmo para realizar observacións sobre elas. Puidemos ver que máis dunha ducia de especies diferentes de dípteros pululaban neste muro. Permitiunos iso descubrir un grande insecto alado, de cores chamativas, que era imposible que pasase desapercibido. Así que aproveitamos para sacar un bo número de fotografíasdel. Xa, unha vez de volta na casa, tratamos de indagar e coñecer máis polo miúdo sobre o insecto observado. Logo das convenientes pesquisas, demos coa especie en cuestión: tratándose da  Volucella.

       É un dos maiores sírfidos europeos, dende logo, e mentres non atopemos outro, é o maior sírfido do Baixo Miño. A súa lonxitude anda polos 25 mm e a súa envergadura é duns 40 mm. Ata o de agora non temos coñecemento de que estea citado na comarca do Baixo Miño, polo que, de ser así, esta sería a primeira cita da especie.

      Como podemos apreciar nas fotografías, ao igual que a maioría dos sírfidos, presenta mimetismo batesiano, ou sexa, toma a apariencia doutro insecto perigoso, neste caso dunha avespa, pero é totalmente inofensivo, podemos dicir que se trata dunha mosca de tamaño grande.

  

 

 .

Portada

Biodiversidade

Fauna

Dípteros

Sírfidos