PALMEIRAS  PRAZA  DA  INMACULADA

(TUI)

Nome científico: Phoenix canariensis

Nome común galego: Palmeira das Canarias

Nome común castelán : Palmera canaria. Palma canaria

Idade: 100 anos.

Medidas

Altura 1ª : 13´50 metros                           Altura 2ª: 15 metros

Diámetro 1ª a 1,30 m : 0,62metros          Diámetro 2ª a 1,30m : 0,63 metros

Perímetro 1ª a 1,30 m : 1,96 metros        Perímetro 2ª a 1,30 m: 2 metros

Localización

Concello: Tui

Lugar: Praza da Inmaculada ( casco urbano )

Coordenadas Datum WGS 84, huso UTM 29 T : X 529426 Y 4655205

Altitude: 49 metros

Data fotografías:  2 – 06 - 2012

 

 

A Praza da Inmaculada

    Situada no centro de Tui, ao pé do xulgado, edificio construído no 1857 e que ten elementos neoclásicos mesturados coa típica arquitectura galega.

    Está presidida esta praza polo monumento dedicado a Frei Rosendo Salvado. Foi levantado no 1945 para conmemorar o primeiro centenario da súa partida a Australia.

Frei R. Salvado

  * Naceu este bispo en Tui, o 1 de marzo de 1814, viaxa a Australia para evanxelizar aos nativos, sendo cinco as veces que realizou esta viaxe ao continente australiano onde fundou “Nova Nursia”, unha misión de aprendizaxe dos aborixes.

    Relixioso polifacético, é autor das “Memorias históricas de Australia” , tamén sabía música e tocaba o órgano e mailo piano, chegando a dar concertos coa finalidade de obter fondos para a misión de Nova Nursia, mesmo compuxo algunha peza musical.

    É, seguramente, coñecido por enviar sementes de eucalipto de diferentes especies aos seus familiares e amigos galegos, que posiblemente fosen as primeiras de España.

    Falece o 29 de decembro de 1900 en Roma. O 7 de Abril de 1902, o pobo de Tui dedícalle a rúa de Riomuíños onde está a súa casa natal, coa colocación dunha placa conmemorativa.

   *Bibliografia: Exposición frei Rosendo Salvado (1814 – 1900) O bispo dos sen Alma.